LO CONGRÈS PERMANENT DE LA LENGA OCCITANA

LO CONGRÈS PERMANENT D’A LENGA OCCITANA ye, de conchunta con Elhuyar, a organizazión impulsora d’a idea y responsable d’a coordinazión d’o proyeuto. LO CONGRÈS ye l’organismo regulador interrechional d’a luenga ozitán. O suyo obchetivo ye contribuyir a la vitalidat y o desembolique de l’oczitano treballando ta reforzar a suya conoixenzia y codificazión por medio d’a produzión de ferramientas en os distintos aspeutos d’a luenga (lesicografía, lexicolochía, terminolochía, neolochía, fonolochía, ortografía, gramatica y toponimia).

HITZ

UNIVERSIDAT D’O PAÍS BASCO / EUSKAL HERRIKO UNIBERTSITATEA (UPV/EHU). A UPV/EHU ye representada por o zentro HiTZ. HiTZ ye un zentro de referenzia en Tecnolochías d’o parlache. O suyo obchetivo ye promover a investigazión, a formazión, a transferenzia tecnolochica y a innovazión en Intelichenzia Artifizial zentrada en o parlache y a fabla. Ye un zentro multidisciplinar compuesto por más de uitanta personas con formazión en informatica, lingüistica, umanidaz dichitals y incheniería. O zentro ye formau por os grupos d’investigazión Ixa y Aholab. En l’autividat d’o grupo s’ampra espezial atenzión a l’euskera y a las luengas con pocos recursos.

UNIVERSITÉ TOULOUSE JEAN JAURÈS

UNIVERSIDAT TOULOUSE-JEAN JAURÈS. A Universidat Toulouse-Jean Jaurès ye un zentro prenzipal d’a investigazión sobre a luenga oczitana y a suya enseñanza.

En l’ambito d’o proyeuto LINGUATEC-IA, os investigadors d’o grupo OCRE (“OCzitano, Luengas Romanzes, luengas d’Europa: describir, formalizar, equipar, comparar”) d’o laboratorio CLLE aportarán as suyas competenzias en lingüistica oczitana y en construzión de recursos ta lo tratamiento automatico de l’oczitano.

UNIVERSITÉ PERPIGNAN VIA DOMITIA

UNIVERSIDAT DE PERPIÑAN VIA DOMITIA. A Universidat de Perpiñan Via Domitia ye representada por LAMPS (Laboratoire de Modélisation Pluridisciplinaire et Simulations); una unidat d’investigazión multidisciplinar zentrada en a modelizazión y a simulazión dichital, tanto teorica como aplicada, con competenzias en determinaus ambitos d’a informatica, as matematicas y a física. En o proyeuto Linguatec-IA l’equipo de LAMPS levará a cabo autividat d’investigazión y desembolique arredol d’o tratamiento automatico d’o parlache ta las luengas minoritarias, y o catalán en particular.

IKER – CNRS

IKER. O Zentro d’Investigazión de Luenga y Testos Bascos IKER ye una unidat mixta d’investigazión (UMR5478), cuals organismos de tutela son o Zentre National d’a Recherche Scientifique (CNRS), a Université Bordeaux Montaigne (UBM) y a Université de Pau et des Pays de l’Adour (UPPA). IKER tiene a suya seu en Bayona, en o campus d’a Nive, y ye l’unico zentro d’investigazión espezializau en estudios bascos en Franzia.

En o marco d’o proyeuto LINGUATEC-IA, aportará as suyas conoixenzias en lingüistica basca y en o tratamiento automatico d’as luengas. Iste zentro d’investigazión conta con una amplia esperenzia en a chenerazión de recursos ta l’euskera.

UNIVERSITAT DE LLEIDA

UNIVERSITAT DE LLEIDA. A Universitat de Lleida (UdL) ye a universidat de referenzia en o territorio catalán ozidental, incluyindo buena parte d’os Pireneus orientals y, dentro d’istos, o territorio oczitán aranés.

Dentro d’a UdL, o Trestallo de Filolochía y Comunicazión aculle os estudios dedicaus a comunicazión audiovisual y a las filolochías catalana y española. Parte de l’autividat d’investigazión d’iste trestallo se desarrolla en o grupo TRAMA (Grup de Recerca en Transformacions dels Mitjans de Comunicació) y, dentro d’iste, o grupo SoGeL (Grup de Recerca en Sociolingüística i Geolingüística). SoGeL ye dedicau a la investigazión sobre a variazión cheografica d’a luenga y as suyas dinamicas sozials, sobretot as que van ligadas a las fronteras politicas. A suya fayena se zentra preferenmén en o catalán y l’oczitano.

GOBIERNO DE ARAGÓN

A Direzión Cheneral de Patrimonio Cultural d’o Gubierno d’Aragón, partizipa por primera vez, en un proyeuto europeu en materia lingüistica, incorporando l’aragonés en o desembolique y implantazión de tecnolochías d’a luenga.

En ista nueva etapa se van a implementar y millorar as ferramientas creadas en l’anterior proyeuto LINGUATEC, que tenió como sozio d’Gubierno d’Aragón, a la Direzión Cheneral de Politica Lingüistica.