L’obchectivo d’o prochecto ye desenrollar conoixencia en intelichencia artificial (IA) sobre nuevos modelos de parlache neuronals aplicables a luengas con pocos recursos, t’abanzar en a dichitalización d’as luengas d’o territorio POCTEFA (aragonés, catalán, euskera y occitano) y en a construcción d’una infraestrutura lingüistica e intelichent transfronteriza que facilite a comunicación entre os fablants d’as distintas luengas y mesmo l’acceso multilingüe ta la información.

O prochecto pretende:

• Construyir nuevos algoritmos y arquitecturas neuronals ta chenerar modelos de parlache neuronals adaptaus a rechímens de recuento y recursos lingüisticos limitaus.
• Millorar os sistemas de transcripción, traducción automatica neuronal y sintesi de voz de l’euskara, catalán, occitano, aragonés y as suyas variants dialectals, que i combinen con o francés y l’espanyol.
• Desenrollar o prototipo d’una plataforma de subtitulau y doplache automatico entre os idiomas d’o prochecto.
• Crear un repositorio online de recursos, tecnolochías y aplicacions ta las luengas d’os Pireneus.
• Consolidar o “Ret Transfronterizo d’Excelencia en Tecnolochías d’a luenga”.

O porchecto europeu EFA 104/01-LINGUATEC IA (Intelichencia Artificial) ye cofinanciau por o Fondo Europeu de Desenrollo Rechional (FEDER) a traviés d’a 1ª convocatoria INTERREG POCTEFA 2021-2027. Ista aduya permitirá d’incrementar o esfuerzo en innovación, apostando por a investigación aplicada en Intelichencia Artificial en Procesamiento d’o Parlache Natural (PLN), asinas como contribuyir a l’articulación social y cultural d’o territorio transfronterizo, reforzando un elemento clau d’a cultura local, as luengas. 

Periodo d’execución
Inicio: 2024/01/01
Final: 2026/12/31