LINGUATEC-IA ferá uso, participará en o progreso y desarrollará os suyos propios recursos y ferramientas lingüisticas ta abanzar en a dichitalización d’as luengas d’os Pireneus. Dau que a situación de partida por o que fa a o livel de dichitalización de cada luenga ye distinta, cadaguna requiere d’una serie de recursos y ferramientas especificas, que respondan a las necesidaz propias d’o suyo livel de dichitalización.
As entidaz participants treballan en diferents ambitos relacionaus con o procesamiento d’o parlache, como ye o desembolique de nuevos algoritmos y arquitecturas neuronals adaptaus a situacions de recuento y recursos lingüisticos limitaus, ta millorar os sistemas de transcripción, tradución automatica neuronal y sintesi de voz de l’euskara, catalán, occitano, aragonés y as suyas varians dialectals, que combinen con o francés y o espanyol.
O prochecto LINGUATEC IA replega o testigo de LINGUATEC, prochecto previo cofinanciau con fondos POCTEFA, finalizau ya, en o cual dimpués de tres anyos de camín se consiguió un alto livel de desembolique y recursos.
