Mejans

Fritzchens Fritz / Better Images of AI / GPU shot etched 3 / CC-BY 4.0

LINGUATEC-IA qu’utilizarà, que participarà au progrès e que desvoloparà las soas ressorsas pròpias e las soas atrunas lingüisticas ent’s har endavant sus la via de la numerizacion de las lengas deus Pirenèus. En per’mor d’ua situacion de partença en matèria de numerizacion de cada lenga diferenta, que hèn mestièr a cadua las ressorsas e las atrunas especificas qui responen aus besonhs pròpis deu son nivèu de numerizacion.

Los organismes participants qu’òbran en divèrs maines deu sector deu tractament deu lengatge, com lo desvolopament de navèths algoritmes e d’arquitecturas neuronaus adaptats a las situacions de calcul e de ressorsas lingüisticas limitadas entà melhorar los sistèmas de transcripcion, de traduccion automatica neuronau e de sintèsi vocau de l’euskera, deu catalan, de l’occitan, de l’aragonés e de las lors variantas dialecticas, qui’s combinan dab lo francés e l’espanhòu.

Lo projècte LINGUATEC IA que pren la seguida de LINGUATEC, projècte anterior cofinançat dab lo hons POCTEFA, adara acabat, puish-a qu’après tres annadas d’evolucion a artenhut un bon nivèu de desvolopament e de ressorsas.