L’objectiu deu projècte qu’ei de desvolopar coneishenças en intelligéncia artificiau (IA) dab modèles navèths de lengas neuronaus aplicaders a las lengas dab pòcas ressorsas, d’avançar dens la numerizacion de las lengas deu territòri POCTEFA (aragonés, catalan, basco e occitan) e dens la construccion d’ua infrastructura lingüistica e transfronterèra intelligenta facilitant la comunicacion enter los locutors de las diferentas lengas atau com l’accès multilingüe a l’informacion.

Lo projècte qu’a per mira de :

• Bastir navèths algoritmes e arquitecturas neuronaus entà generar modèles de lengatge neuronau adaptats aus regimes de calcul e a las ressorsas lingüisticas limitadas.
• Melhorar los sistèmas de transcripcion, de traduccion automatica neuronau e de sintèsi vocau entau basco, lo catalan, l’occitan, l’aragonés e las lors variantas dialectaus, en combinant lo francés e l’espanhòu. 
• Desvolopar ua platafòrma lingüistica multilingua entau sostitolatge e lo doblatge automatics.
• Crear ua platafòrma o un referenciau en linha de ressorsas, de tecnologias e d’aplicacions entà las lengas deus Pirenèus 
• Assolidar lo « Hialat transfrontalèr d’excelléncia en tecnologias lingüisticas ».

Lo projècte europèu EFA 104/01-LINGUATEC AI (Intelligéncia Artificiau) que’u cofinançan lo Fons Europèu de Desvolopament Regionau (FEDER) peu 1èr aperet INTERREG POCTEFA 2021-2027. Aquera subvencion que sostienerà l’esfòrç d’innovacion, en jogant sus la recèrca aplicada en intelligéncia artificiau dens lo tractament deu lengatge naturau (NLP). Que contribuarà tot parièr a l’articulacion sociau e culturau deu territòri transfronterèr en ahortint un element clau de la cultura locau, las lengas. 

Delai d’execucion
Debuta : 2024/01/01
Fin : 2026/12/31