Mesa en común d’os diagnosticos en cada luenga ta abanzar ta una fuella de rota conchunta

O consorzio d’o proyeuto LINGUATEC IA se reunió en Zaragoza ta perfilar a suya fuella de rota compartida. En a sesión partiziporon representans d’o Gubierno d’Aragón

O proyeuto LINGUATEC IA enchegau ta investigar y desarrollar nuevos modelos neuronals aplicables a luengas con pocos recursos d’o territorio pirenaico va pillando a bonico velozidat de cruzero. O día 3 de chunio d’o 2024 se desarrolló en Zaragoza o primer taller en o cual partiziporon un total de 14 personas representans d’a mayoría d’as entidaz que partizipan en o proyeuto.

A sesión estió ubierta con una intervenzión d’os representans d’o Gubierno Aragón que exerzeban d’anfitrions. Concretamén, prenioron a palabra José Antonio Andrés Moreno, chefe d’o servizio de Prevenzión, Protezión y Investigazión d’o Patrimonio Cultura, y Miguel Ángel Pelles responsable de seguimiento d’o proyeuto en a Direzión Cheneral de Patrimonio Cultural.

Cada entidat d’o consorzio eba treballau previamén un diagnostico d’os abanzes daus en materia d’Intelichenzia Artifizial en as suyas respeutivas luengas y varians y, con o conchunto d’as aportazions, s’abanzó ta la prefigurazión d’a fuella de rota d’o proyeuto. A elaborazión d’una fuella de rota compartida ye un d’os exes d’intervenzión d’o proyeuto, en iste caso, exe coordinau por Lo Congrès permanent d’a lenga occitana. Fuella de rota que s’implementará con desemboliques tecnolochicos adecuaus a lo proyeuto a lo largo d’o proyeuto.