Mesa en comun deus diagnostics de cada lenga entà hà’s endavant de cap tà ua huelha de rota comuna

Lo consòrci deu projècte LINGUATEC IA que s’amassè a Saragossa entà definir la soa huelha de rota partatjada. Que participèn a la reünion representants deu Govèrn autonòme d’Aragon.

Lo projècte LINGUATEC IA metut en marcha entà recercar e desvolopar navèths modèles neuronaus aplicaders a las lengas deu territòri pirenenc dispausant de drin de mejans que pren petit a petit la soa ritme de crosèra . Lo 3 de junh de 2024 qu’avó lòc a Saragossa lo prumèr talhèr au quau participèn 14 personas representant la màger part deus organismes integrats au projècte.

Los representants deu Govèrn autonòme d’Aragon, mèstes de l’eveniment, qu’obrín la reünion dab la lor intervencion : José Antonio Andrés Moreno, cap deu servici de prevencion, proteccion e recèrca deu patrimòni culturau e Miguel Ángel Pelles, responsable deu seguit deu projècte a la Direccion generau deu patrimòni culturau, concrètament,que prenón la paraula .

Cada organisme deu consòrci qu’avèva purmèr soscat a un diagnostic deus progrès hèits en matèria d’intelligéncia artificiau dens las lors lengas e parlars respectius. L’ensemble deus apòrts que permetón de progressar dens la preredaccion de la huelha de rota deu projècte, un deus èishs d’intervencion deu projècte coordinat per lo Congrès permanent de la lenga occitana e qui serà començada dab los desvolopaments tecnologics adaptats au projècte pendent tota la soa durada.