Linguatec IA en o congreso internazional ‘Hizkuntzen irabazia. Benefits of language industry in the economy’

27 November, 2024 By

L’Asoziazión d’Industrias d’a Luenga en o País Basco LANGUNE ha organizau, en colaborazión con a Federal Union of European Nationalities (FUEN), o congreso ‘Hizkuntzen irabazia. Benefits of language industry in the economy’, que ha reuniu os días 26 y 27 de noviembre a más de 30 ponens de tota Europa, ta dar a conoxer a realidat y a situazión de 15 luengas minorizadas.

O esclatito d’a intelichenzia artifizial en os zaguers años ha meso en periglo a convivenzia entre as luengas europeas. L’anglés se ye convertindo en a luenga mayoritaria en o mundo dichital, excluyindo a la resta de luengas, tanto echemonicas como minoritarias. O foro ha amostrau as buenas practicas aplicadas y os abanzes realizaus por diferens luengas minoritarias d’Europa ta no quedar-se dezaga en l’ambito d’as nuevas tecnolochías lingüisticas.

Miembros d’o consorzio de Linguatec-IA han partizipau activamén en o programa de ponenzias. Prezisamén, en o bloque sobre A COLABORAZIÓN D’AS LUENGAS MINORITARIAS TA AFAVORIR A DICHITALIZAZIÓN Y A INTELICHENZIA ARTIFIZIAL han partizipau a coordinadora d’o proyeuto Linguatec-IA Itziar Cortes Etxabe (d’Elhuyar), que ha dau a conoxer o proyeuto, y Benaset Dazeas (de Lo Congrès), que ha amostrau os desemboliques tecnolochicos de l’oczitano. Por unatra parte, Itziar Aldabe (d’HiTZ zentroa) ha fablau sobre a valor añadida d’a industria d’a luenga.