Linguatec IA au congrès internacionau « Hizkuntzen irabazia. Benefits of language industry in the economy »

L’Associacion de las industrias de la lenga deu País basco LANGUNE qu’organizè en collaboracion dab la Federal Union of European Nationalities (FUEN) lo congrès « Hizkuntzen irabazia. Benefits of language industry in the economy’ » qui amassè los 26 e 27 de noveme passat mei de 30 conferencièrs de tota Euròpa vienuts har conéisher la realitat e la situacion de 15 lengas minorizadas.

Aquestas annadas, la cresishença de l’intelligéncia artificiau qu’a comprometut la coexisténcia enter las lengas europèas . L’anglés qu’ei en passa de vàder la lenga majoritària en lo monde numeric en exclusent las autas lengas, qui sian egemonicas o minoritàrias. Lo fòrum que presentè las bonas practicas aplicadas e los progrès realizats per divèrsas lengas minoritàrias d’Euròpa entà non pas estar estremadas en lo maine de las tecnologias navèras de la lenga.

Dus membres deu consòrci de Linguatec-IA que participèn activament au programa de conferéncias. Au capítol de la COLLABORACION DE LAS LENGAS MINORITÀRIAS ENTÀ FAVORIZAR LA NUMERIZACION E L’INTELLIGÉNCIA ARTIFICIAU, sustot, la coordinatora deu projècte Linguatec-IA Itziar Cortes Etxabe (d’Elhuyar) que presentè lo programa e Benaset Dazeas (de Lo Congrès) qu’expausè los desvolopaments tecnologics de l’occitan. Itziar Aldabe (de HiTZ zentroa) que parlè èra de la valor aponduda de l’industria de la lenga.